يابنت الاية والعفة

كلمات: المستشار طلبه الجمسى

يابنت الاية والعفة
سيرتكم لفة العالم لفة
قلوبنا محروقة عليكن
ورحنا ملهوفة حزن لهفة
يا مطحونين بين رحايا
عصر السنين
دا الحاجة وكلة منكم
عيون الصبايا الحلوين
دا عنيكم ملياهم الضحكة
رغم قلوبكم من الحزن 
محسورين
بتجروا على خواتكم 
وابوكم وامكم
بين تروس الفقر 
مفرومين
علشان تشترى طقم 
صينى ل جهازك ياعروسة الجنة
تصبحي على عربية
تجرى 
محشورة بالبنات والصبيان
عايزا تلاقى ولو
نص مكان
معاكى سرة فيها
رغيفين عيش
وطماطمة وبتنجامة
مخللة
تتغدى بيهم الضهر
مع الكل تضحكي 
ومصهللة
ياعروسة الجنة 
ياشهيدة جهازك
ونفسك تكملى
وتلبسى فستانك
فـِ كوشة الحنة
دلوقتي بتزفك
ملايكة الجنة