اسألوا احمد بيه دياب ايه حصل لأحمد بسببه مناظرة ثلاثية لكشف حقيقة وفاة اللاعب احمد رفعت

اسألوا احمد بيه دياب ايه اللي حصل لأحمد بسببه" مناظرة ثلاثية تجمع رئيس رابطة الأندية واثنين آخرين لتوضيح الحقيقة

اليوم السبت على قناة MBC مصر 2 في برنامج ابراهيم فايق جمعت الحلقة النائب احمد دياب رئيس رابطة الأندية ووكيل اللاعب احمد رفعت نادر شوقي ومسؤول وزارة الشباب والرياضة ..

تصريحات الحلقة:

_نادر شوقي: أحمد رفعت مكنش عاوز يعمل حاجه ضد القانون وكان حريص قبل عودته من الإمارات بعد فسخ تعاقده مع الوحدة ميحصلش حاجه.. ولكن لما وصل مصر تم تطبيق عليه القانون بشأن "التجنيد"

_نادر شوقي: قيل لأحمد رفعت أن تصريح السفر الخاص به قانوني ولكننا اكتشنا عكس ذلك بعد انتقالة للوحدة الإماراتي.. احمد دياب قال سافروا وعمرنا ما كنا هنتحرك بدون إذن

_شقيق أحمد رفعت: إسالوا أحمد بيه دياب أيه اللي حصل في أحمد بسببه.

ليرد النائب احمد دياب:

احمد دياب: احمد رفعت طلعله قرارين وزاريين للسفر إلى ليبيريا مع الفريق ثم إلى الامارات للتعاقد مع الوحدة، ونعم القرار الوزاري كافي ليكون خروجه قانوني.

فقال ابراهيم فايق: لما وضعه كان سليم ليه تم تنفيذ القانون عليه؟ 

احمد دياب:لم يتم تنفيذ القانون عليه بعدما عاد، وشارك في الدوري وفي مباريات مع فيوتشر ومودرن وشارك في البطولة الأفريقية كل ده بعد رجوعه من الإمارات.

احمد دياب: قيل ان احمد رفعت سافر بناءً على وعد مش بناء على التصريح اللازم بشأن "التجنيد".. أي لاعب علشان يسافر لازم ياخد قرار وزاي بالسفر، وأحمد طلع له قرارين بـ السفر مع فيوتشر، وطلع له قرار بـ مدة سفر من ليبيريا لـ الوحدة في الإمارات.. انا قولت لأحمد مش هتركب الطيارة غير لما القرار يطلع ويبقي في ايدي وبعد كدا قولت له توكل وسافر.

نادر شوقي: موقفه لم يكن قانوني بدليل أنه اتنفذ عليه عقوبة.

واحمد دياب يرد: مسؤولية النادي تنتهي عند الحصول على التصريح الوزراي والاعتمادات التانية مش في ايد النادي.

ليسأل ابراهيم فايق سؤال مباشر وواضح لانهاء الجدل:

ابراهيم فايق: على من تقع مسؤولية موت احمد رفعت

احمد دياب: انا مش في مجال ارمي موقف ولا ارمي تهم على حد، انا في موقف هل النادي عمل الإجراءات القانونية ولا لا؟ عملها بموجب قرارين وزاريين.

ليتدخل المتحدث باسم وزارة الشباب والرياضة ويقول: القرار الوزاري يحتاج اذن من التجنيد من أجل السفر وهو شرط أساسي للسفر.

نادر شوقي: هل التصريح كان طالع عشان يمثل بلده في ماتش وراجع ولا التصريح كان للسفر للتعاقد مع الوحدة في الامارات؟

المتحدث باسم الوزارة: انا بقول أن الراجل ده طالع يمثل بلده في مهمة رسمية ايا كان طالع شهر او سنة .

المتحدث الرسمي لـ وزارة الرياضة: اتحاد الكرة او النادي واللاعب هما المسؤلين عن استخراج إذن سفر لأي لاعب عليه تجنيد

إبراهيم: السؤال ليك يا نادر: هل رفعت جاب تصريح؟

نادر: اه

المتحدث الرسمي لوزارة الشباب والرياضة يؤكد أن احمد لم يكن يستطيع أن يخرج من المطار الا بتصريح من التجنيد وتصريح من الوزارة وهذا حدث بالفعل يعني خروجه كان قانوني.

المتحدث باسم وزارة الشباب والرياضة: الفترة المحددة لاحمد في تصريح التجنيد لم تغطي فترة خروج احمد.

احمد دياب: بالورقة والقلم والقانون، أحمد رفعت سافر خارج مصر بـ شكل قانوني فيما يخص "أزمة التجنيد"

وقال محامي اللاعب على صفحته الشخصية محمد رشوان: القرار الوزاري كان ٣ شهور.

_بعد الاعلان والفاصل عاد مرة أخرى النائب احمد دياب ليرد بالارقام والتواريخ:

"تم استخراج التصريح لاحمد لمدة ٣ شهور من اكتوبر حتى يناير، وبعد يناير احمد رجع وكمل في فيوتشر".

فخرج نادر شوقي عن صمته منفعلاً: "انا مش عارف اخد راحتي في الكلام، هو مطلعش معايشة هو طلع واتباع بفلوس وبعقد، هل منطقي لاعب عنده ٢٩ سنة يطلع معايشة، كان عنده امل يعمل فلوس من الكورة لأن احمد لحد دلوقت معملش فلوس، ولما وقع محدش سأل فيه، معلش يا سيادة النائب ليه مروحتس زورته ليه متكلمناش من ساعة ما وقع"

وانهى نادر شوقي حديثه قائلاً: "انا جالي ٥٠ مكالمة لكي لا اتي هذه الحلقة، وانا مش عارفة هيحصلي ايه بعد كدا بس انا مش زعلان، انا دلوقت ارتحت".