لغز وفاة احمد رفعت: هل أصبحت قضية رأي عام
الجميع يتحدث من المتسبب في تدمير نفسية اللاعب والسبب في وصوله لهذه الحالة النفسية والصحية، وهل كان يتم تهديد أحمد رفعت بسنة التجديد لكي يلعب في نادي معين؟
![لغز وفاة احمد رفعت: هل أصبحت قضية رأي عام](http://alqahera30.com/uploads/images/202407/image_870x_6689663640a94.jpg)
اليوم الخميس وبعد دفن أحمد رفعت لاعب منتخب مصر أصبح الجميع يتحدث من المتسبب في تدمير نفسية اللاعب والسبب في وصوله لهذه الحالة النفسية والصحية، وهل كان يتم تهديد أحمد رفعت بسنة التجديد لكي يلعب في نادي معين؟
في ظل هذه التساؤلات نشر ضياء بهجت على صفحته الشخصية على فيسبوك منشور:
"علي مسؤليتي و ميشغلنيش حد غير ربنا ياريت الكل يقرا الكلام دا اللي أنه هقولو عن معرفة و عن رؤية مش مجرد حد حكالي و لا كلمتين كوبي بيست دي شهادة حق مني قدام ربنا و الله علي ما أقوله شهيد .. نادي طلائع الجيش سبب كبير في تدمير نفسية أحمد رفعت الله يرحمه و النادي دائما لو لاعب مش علي هواه أنه يروح أو وافق انه يلعب في الفريق اقسم بالله بيتحبس و بيتهان، طلائع الجيش حبسو أحمد رفعت 6 شهور بتهمة التهرب من الجيش ، و قدام عيني اقسم بالله اقسم بالله اقسم بالله كان في لاعيبة بتعيط قدام عيني لمدير الكرة بطلائع الجيش عشان يكملو مسيرتهم زي ماهما عايزين ،، دا مرة عمرو جمال مهاجم فاركو و الاهلي السابق كان مسافر يلعب في الصفاقسي و مسافر تونس من مطار فرنسا ، اقسم بالله جابو مترحل و بقي بيعيط دموع عشان ميحبسهوش و في الاخر لعب في طلائع الجيش ، و مرة مع ميدو جابر مضي في سيراميكا قبل ما يروح المصرى بكتير و بعد ما مضي لسيراميكا و خارج من التمرين في الدفاع الجوي يقوم طلائع الجيش باعتين عربية تويوتا متفيمة تخطف ميدو جابر و حبسوه لحد ما مضي و لعب لطلائع الجيش قبل ما يروح المصرى ، و محمد رزق بتاع الاهلي و المقاولين و لا نسيتو لما مرديش يجدد العقد معاكم لما اتصلتو بكل الأندية و كلمتو محمد عادل مشرف عام الكرة في المقاولين و قولتو اللي هيقيد محمد رزق في قائمته ميزعلش من اللي هيحصل و فعلا محمد مضي درجة ثانية بسببكم ، و حسام حسن لما كان مدير فني لبيراميدز لما كنتو خدتوا محمد حمدي و مهند لاشين عافية و بيراميدز كان بيتحمل فلوس راتبهم و هما علي ذمتكم و في الاخر مشيتوها بتبادل صفقات ليكم و خدتو مهند لاشين و مصطفي فتحي لما كنتو عايزين تبطلو كورة اقسم بالله كل دا حصل و الكلام دا علي مسؤليتي الشخصية و اي حد تقيل يقدر يسأل فيه ، أحمد رفعت اتحبس و اتبهدل و اتهان 6 شهور بدون ما حد كان يعرف حاجة زي اللي حصل مع ميدو جابر و عمرو جمال بس ملعبش في الجيش و دا اللي سبب في نفسيته و العيب مش علي شوبير و دياب ، العيب علي كل الأندية اللي بتسيب لعيبتها تتهان بس من اجل أن ميتخدش منهم 3 لاعيبة في صفقة تبادلية ضغط و غصب عنهم ، فاللي هو احنا عايزين ألاعيب دا هتحل و لا ناخد منك 3 لاعيبة و نشوف مين عليه جيش و نرخم عليك ، والأندية بتضحي بلاعيبتها من أجل مصلحتهم اللي طغت علي قلوبهم قبل عيونهم".