عربيات إسعاف مجهزة قبل المباريات لتفادي موت رياضي آخر: وفاة اللاعب احمد رفعت

ببالغ الحزن والأسى وبمزيد من الإيمان بقضاء الله وقدره، يعلن نادي مودرن سبورت عن وفاة أحمد رفعت لاعب الفريق الأول ومنتخب مصر أثر تدهور حاد في حالته الصحية، تم نقله على أثره إلي المستشفى ليتوفاه الله، بعد رحلة شاقة من الصراع بعد الأزمة الصحية التى حدثت له يوم 11 مارس 2024.

والجدير بالذكر أنه سيتم نقل جثمان اللاعب الراحل أحمد رفعت من المستشفى الجوي في التجمع الخامس للتحرك لأداء صلاة الظهر والجنازة على روح المغفور له بإذن الله في مسقط رأسه في قرية أبشان التابعة لمركز بيلا بمحافظة كفر الشيخ.

_ ويذكر أنه في الظهور الإعلامي الأول لأحمد رفعت بعد وعكته الصحية، والأخير لأنه توفـى بعد أيام من ظهوره مع إبراهيم فايق وكلامه عن تحسن حالته الصحية. 

قال: "الحمد لله بشكر كل الناس، اللي حصل معايا حاجة ماتمناش إن أي حد يمر بيها تمامًا، كان صعب عليا الموضوع وعلى أهلي خصوصًا اللي شوفته بعد كدة لحد ما فوقت لأني قعدت فترة طويلة مش موجود، حوالي أكتر من 3 أسابيع مش موجود ومش بتكلم ونايم تقريبًا"

 وأضاف: "أنا مش فاكر خالص اللي حصل في الملعب ولا فاكر الماتش ولا اليوم "

"ولا فاكر كنا بنلعب مع مين، الموضوع صعب لأني قعدت فترة على جهاز تنفس صناعي ومكنش معروف هكمل ولا لأ، مش واضح حتى للدكاترة"

" حاجة كانت شاغلاني واتكلمت فيها مع الدكاترة إني أعرف أيه اللي حصل ومحدش كان عنده تفسير لحد من يومين كنت عند الدكتور بدأ يسألني عن حاجات حصلت قبل الماتش

حاجات قاسية شوية، أمور ضغطت عليا نفسيًا وتقيلة"

"أي بني آدم لازم يبقى فاهم إنه في لحظة ممكن مايبقاش موجود مش هيتبقى غير إنك تبقى كويس، حصلت معايا مش في البيت ولا حادثة لأ وأنا في الملعب وبجري"

"اللي حصل إن قلبي وقف وده وارد إنه يحصل في أي وقت وأكتر حد معرض إنه يحصل لده هو أنا لأني لسة قايم من التعب فـ الفكرة كلها إن الموضوع مقلق إني قاعد مش عارف أيه اللي ممكن يحصل، هكمل مش هكمل ".